Le poesie di Michelangelo Di Lorenzo

Michelangelo Di Lorenzo nello studio  Foto di Giovanni Mannino

MUNNU PERSU

Comu era priata mè matri

quannu mi misi ò munnu,

‘un suspittava cà dannumi à vita,

mi cunnannava a stari

‘nta stu munnu perso.

Stentu a campari

‘nta sta terra marturiata,

dunni mancu cchiù idda

mi pò dari ajutu.

Mi chianci ù cori

pi tutti sti svinturi

cà ‘m’arriala à sorti

e campu cà spiranza cà ù Signuri

‘m’ajuta a tirari avanti

senza cchiù pinari!

SUNNU IDDI

‘Nta ‘na gnuni ri la menti

arricogghiu li pinzeri

picchì sunnu iddi

ca scuraggianu la mè vita

e sunnu sempri iddi

ca scavanu, scavanu

 tinennumi vigghianti

e io rassignatu

ascutu senza pipitari.

Comu ‘na palumma

mi vulissi appinnicari

e sunnarimi ca stu scumpigghiu

ca mi firria ‘ntornu

‘un m’apparteni.  

TU, CU SI’ ?

Anima persa addivintasti

ora cà li mè passi

pisanu comu chiummu.

Stancu sugnu ri iriti circannu

picchì li spiranzi ri truvariti

vannu scarsiannu.

Doppu tantu firriari

ti vitti ri luntanu

e ti chiamavu.

Tu, cù sì ?

Cu sugnu jo !

‘Un mi canusci cchiù ?

Sugnu la tò cuscenza,

chidda cà ti sta appressu

notti e jornu;

pi ‘un lassariti sulu

‘nta stu ‘nfernu.

Z I T T O

Zitto e solo me ne stavo

mille cose mi ponevo

mentre innumerevole domande

restavano senza risposte.

Delle voci all’improvviso

mi gridarono ad alta voce:

ciao nonno come stai ?

Mi guardai tutt’intorno

e vedo loro

Elena e Samuele, i miei tesori.

Le domande, i miei perché

volarono via, senza un perché.

Salvatore Rizzo premiato da Michelangelo Di Lorenzo

                   Foto di Vincenzo Aiello

In primo piano:Giovanni Varisco e Giovanni Mannino.

Salvo Inserauto, Giuseppe Bagnasco e Michelangelo Di Lorenzo

 Foto di Mariella Buglisi